Wednesday 7 February 2007

ഉന്നംതെറ്റിയ വെടി

ഏഴാം ക്ലാസ്സില്‍നിന്നും ഓള്‍പ്രമോഷനായി ഞങ്ങള്‍ എല്ലാവരും, ആന്റപ്പനുള്‍പ്പെടെ എട്ടാം ക്ലാസ്സിലേക്കു കയറുകയല്ല എട്ടാംക്ലാസ്സിലേക്കു ഇറങ്ങുകയാണു ചെയ്തത്‌.

വെള്ളത്തൂവല്‍ ഗെവണ്‍മന്റ്‌ ഹൈസ്കൂളിന്റെ അഞ്ചുമുതല്‍ ഏഴുവരെയുള്ള അപ്പര്‍ പ്രൈമറി ക്ലാസ്സുകള്‍ ഒരു കുന്നിന്റെ നിറുകയിലുള്ള കെട്ടിടത്തിലാണു പ്രവര്‍ത്തിച്ചിരുന്നത്‌. ആകുന്നിന്റെ തന്നെ താഴ്‌വാരത്തിലുള്ള രണ്ടു കെട്ടിടങ്ങളിലായി ഹൈസ്കൂളും, അതുകൊണ്ടാണു ഞങ്ങള്‍ക്കു ജയിച്ചാലും ക്ലാസ്സു കയറ്റം കിട്ടാതെ ക്ലാസ്സിറക്കം കിട്ടിയിരുന്നത്‌.

എട്ടാംക്ലാസ്സില്‍ 'ഇ' ഡിവിഷനിലായിരുന്നു ഞാനും എന്റെ അടുത്ത കൂട്ടുകാരും. ഞങ്ങളുടെ ക്ലാസ്സ്‌ ടീച്ചര്‍ പുഷ്പമ്മ ടീച്ചറുടെ അഭിപ്രായം ഞങ്ങളില്‍ ബെഹു ഭൂരിപക്ഷവും ഭൂമിയുടെ ആകര്‍ഷണ ശ്ക്തി ഒന്നുകൊണ്ടുമാത്രമാണു ഏഴാം ക്ലാസ്സില്‍നിന്നും എട്ടാം ക്ലാസ്സില്‍ എത്തിയത്‌ എന്നായിരുന്നു.

ഹൈസ്കൂളിലെത്തുന്ന എല്ലാ കുട്ടികളും ആദ്യകാലങ്ങളില്‍ വളരെ ഹാപ്പിയായിരിക്കും, ദരിദ്ര കുടുമ്പത്തില്‍നിന്നും സമ്പന്ന കുടുമ്പത്തിലോട്ടു കെട്ടിച്ചുവിടുന്ന പെണ്ണിനേപ്പോലെ. കാരണം മലമുകളിലെ സ്കൂളില്‍ ഒരുതുള്ളി വെള്ളം കാണണമെങ്കില്‍ മഴപെയ്യണം അല്ലെങ്കില്‍ ആരെങ്കിലും കരയണം. ഓടിച്ചാടി കളിച്ചുനടക്കാന്‍ പറ്റിയ ഗ്രൗണ്ടില്ല, നേരാംവണ്ണം നടക്കാനുള്ള വഴിപോലുമില്ല....സൂക്ഷിച്ചു നടന്നില്ലങ്കില്‍ ചിലപ്പോള്‍ പരീക്ഷ പോലും എഴുതാതെ എട്ടാംക്ലാസ്സില്‍ വന്നു വീഴും.

ഇതിലെല്ലാം കഷ്ടം ഐസുവില്‍പ്പനക്കാര്‍ ഈ സ്കൂളിനെ എന്നെന്നേക്കുമായി ഉപേക്ഷിച്ചിട്ടിരിക്കുന്നു എന്നതാണു. ഒരിക്കല്‍ ഒരു കച്ചവടക്കാരന്‍ ഐസുപെട്ടിയും തലയിലേറ്റി മലകയറിനോക്കി മുകളിലെത്തിയപ്പോളേക്കും ക്ലാസ്സു കഴിഞ്ഞു കുട്ടികള്‍ വീട്ടിലെത്തിയിരുന്നു...ഏതായാലും ഇവിടെവരെ കഷ്ടപ്പെട്ടുവന്നതല്ലേ ഇനിയിതു വിറ്റിട്ടേ പോകുന്നൊള്ളു എന്നോര്‍ത്ത്‌ അയാള്‍ അന്നവിടെ ഹാള്‍ട്ടുചെയ്തു...പിറ്റേന്നു കുട്ടികള്‍ വന്നപ്പോല്‍ ഐശ്വര്യമായിട്ടു ഐസുപെട്ടി തുറന്നുനോക്കിയപ്പോള്‍ കുറെ കോലുകള്‍ മാത്രമേ കിട്ടിയൊള്ളു എന്നാണു ഐതീഹ്യം.

ഒരു സൈക്കിളുപോലും കയറാത്ത കേരളത്തിലെ തന്നെ ഏക അപ്പര്‍ പ്രൈമറി സ്കൂള്‍ഇതായിരിക്കണം.

ഹൈസ്കൂളിലാവട്ടെ സഥാസമയവും നിറഞ്ഞൊഴുകുന്ന ഒരു അരുവിയും ഈ അരുവി ചെന്നു ചേരുന്ന ഒരു വലിയപുഴയും (മുതിരപ്പുഴ- പെരിയാറിന്റെ ഒരു ശാഖ) മുറ്റത്തുതന്നെയുണ്ടെന്നു പറയാം, "കുടിക്കാന്‍ മാത്രമല്ല കുളിക്കാനും കൂടിയുള്ള സൗകര്യം...", എന്നാണു ആദ്യ ദിവസ്സം തന്നെ അരുവികണ്ടു നെയ്യന്‍ പൗലോ പറഞ്ഞത്‌.

ഇലക്ട്രി സിറ്റി ബോര്‍ഡിന്റെ ഏക്കറുകണക്കിനു സ്ഥലം സ്കൂളിനു ചുറ്റും കാടുകയറികിടക്കുന്നതിനാല്‍ സ്കൂളിനു പ്രത്യേകമായി മൂത്രപ്പുര ആവശ്യമായിരുന്നില്ല. കള്ളനും പോലീസുമോ കൊടകരക്കാരുടെ അമ്പസ്ഥാനിയൊ ഇഷ്ടം പോലെ കളിക്കാം എന്നതു ഈ കാടുകൊണ്ടുള്ള മറ്റോരു ബനഫിറ്റ്‌.

ഹൈഡ്രോ ഇലക്ട്രിക്‌ പവ്വര്‍ ഹൗസിലേക്കു മലമുകളില്‍ നിന്നും കിലോമീറ്ററുകളൊളം നീളുന്ന പൈപ്പുലയിന്‍ അതിനോട്‌ അനുബന്ദിച്ചുള്ള വാല്‍വു ഹൗസ്‌ ഇതെല്ലാം നവാഗതരിലുണര്‍ത്തുന്ന കൗതുകം ചില്ലറയൊന്നുമല്ല.

ഇതുകൂടാതെ ഒരു ബാസ്ക്കറ്റു ബോള്‍ കോര്‍ട്ട്‌ (ഒരു സൈഡില്‍ റിങ്ങ്‌ ഇല്ലാത്ത ബോര്‍ഡോടുകൂടിയത്‌), ഒരു വോളീ ബോള്‍ കോര്‍ട്ട്‌....അങ്ങിനെ ഒരു കുടിയേറ്റ മേഘലയിലെ സ്കൂള്‍ കുട്ടികള്‍ക്കു അര്‍മാദിക്കുവാന്‍ എന്തെല്ലാം കിട്ടുമോ അതെല്ലാം ചേര്‍ന്ന ഒരു സെറ്റപ്പ്‌ അതാണു വെള്ളത്തൂവല്‍ ഗവ.ഹൈ. സ്കൂള്‍.

ക്ലാസ്സിലിലെ കുട്ടികളെ അവര്‍തന്നെ രണ്ടു വിഭാഗമായി തിരിച്ചിരുന്നു,

കളസധാരികളായ കിളുന്തന്മാരും, മുണ്ടുടുത്ത ഏട്ടന്മാരും.

കിളുന്തന്മാരെല്ലാം മുന്‍പിലുള്ള ബഞ്ചില്‍ ഇരുന്നുകൊള്ളണമെന്നൊരു എഴുതപ്പെടാത്ത നിയമം പരക്കെ അംഗീകരിക്കപ്പെട്ട ഒരു കാലമായിരുന്നു അത്‌.

അങ്ങിനെ മുന്‍ ബെഞ്ചില്‍ ഞാനും ഏഴാം ക്ലാസ്സില്‍നിന്നും വന്ന എന്റെ കൂട്ടുകാരായ കളസധാരികളും ഇരിക്കുന്ന കൂട്ടത്തില്‍ ഒരു പാവത്താന്‍ വന്നു സ്ഥാനമ്പിടിച്ചു.

അവന്റെ പേര്‍ റോയി സി.സി. ഞങ്ങള്‍ക്കു പുതുമുഖമാണെങ്കിലും ആശാന്‍ സ്കൂളിനും എട്ടാംക്ലാസ്സ്‌ 'ഇ' ഡിവിഷനും വളരെ പഴയ മുഖമായിരുന്നു. എട്ടാം ക്ലാസ്സ്‌ പഞ്ചവല്‍സര പദ്ധതി ആക്കാനുള്ള ലക്ഷ്യമായിരുന്നോ എന്നറിയില്ല, മൂന്നു വര്‍ഷമായി അതേ ക്ലാസ്സില്‍ അതെ ബഞ്ചില്‍ റോയി പ്രതിഷ്ടിക്കപ്പെട്ടിട്ട്‌.

ക്ലാസ്സില്‍ പഞ്ച പാവത്താനെപ്പോലെ ഇരിക്കുന്ന റോയിക്കു ഇന്റര്‍വെല്‍ സമയമാകുമ്പോല്‍ ആകെ ഒരു വെപ്രാളമാണു. പെണ്‍കുട്ടികളുടെ ക്ലാസ്സിനു മുന്‍പിലൂടെയും അവര്‍ കൂട്ടം കൂടി സഞ്ചരിക്കുന്നതിനിടയിലൂടെയും ഒരു സര്‍ക്കീട്ട്‌ നടത്തിയില്ലങ്കില്‍ മൂപ്പര്‍ക്കു ചില പരമ്പരാഗത കുടിയന്മാര്‍ക്കു സമയത്തിനു അടിച്ചില്ലങ്കില്‍ ഉണ്ടാകുന്നതുപോലുള്ള ഒരു വിറയല്‍ അനുഭവപ്പെടും.

ഈ പതിവു സവാരിക്കു ഒറ്റക്കുപോകാന്‍ റോയി ഇഷ്ടപ്പെട്ടിരുന്നില്ല. തോളത്തു കയ്യിട്ടുപോകാന്‍ ആരെങ്കിലും കൂടെവേണം. ചെത്ത്‌, വീശ്‌ ലയിനടി എന്നീ അര്‍ത്ഥ സമ്പുഷ്ടമായ പദങ്ങള്‍ മലയാള ഭാഷയില്‍ കണ്ടുപിടിക്കപ്പെട്ടിട്ടില്ലാത കാലമായതിനാല്‍ 'ഷയിന്‍' ചെയ്യാന്‍ പോകാം എന്നു പറഞ്ഞാണു റോയ്‌ തോളില്‍ കയ്യിടാനുള്ള ആളുകളെ സങ്കടിപ്പിച്ചിരുന്നത്‌.

എന്നാല്‍ കൂടെ പോകുന്നവര്‍ക്കെല്ലം ഇതു പഴയകാലം തുടങ്ങി നടപ്പിലുള്ള "വായീനോട്ടം" തന്നെയാണെന്നു മനസ്സിലാകാന്‍ അധിക സമയമൊന്നും വേണ്ടിയിരുന്നില്ല.

ഒരു ദിവസ്സം റോയി പാവത്താന്മാരില്‍ പാവത്താനായ എന്നേയും പിടികൂടി. ഇടവേളകളില്‍ റോയിയുടെ കയ്യും തോളിലേറ്റിക്കൊണ്ടു, പെണ്‍പടകള്‍ക്കിടയിലൂടെ നടക്കുന്നതിനു കനത്ത പ്രതിഫലവും ഓഫര്‍ ചെയ്യുകയുണ്ടായി.

അവന്റെ അഛന്റെ മുറുക്കാന്‍ കടയില്‍ നിന്നും അടിച്ചു മാറ്റികൊണ്ടുവരുന്ന പല തരം മിഢായികള്‍.

മിഢായി ഭരണിയുടെ തൊട്ടടുത്തിരിക്കുന്ന മരത്തിന്റെ വലിച്ചുതുറക്കുന്ന അടപ്പുള്ള പെട്ടിയിലെ ചെറിയ ചെറിയ നാണയങ്ങള്‍ അടിച്ചുമാറ്റി കൊണ്ടുവന്നു സ്കൂള്‍ പരിസരത്തെ കച്ചവടക്കാരി കടല അമ്മാമ്മയുടെ അടുത്തുനിന്നു പിന്നേം മിഢായി...ഇഷ്ടമ്പോലെ ഐസ്‌...അങ്ങിനെ പോകും കാര്യങ്ങള്‍.

കളവാണികളുടെ മനോഹരമായ വായില്‍നിന്നും ഇവിടെ എഴുതാന്‍പറ്റാത്ത ചില സമ്മാനങ്ങള്‍ കൂടെക്കൂടെ കിട്ടുന്നതിനുപുറമെ, വായില്‍ നോക്കി എന്ന വിളിപ്പേരു ഒരു കാശുചെലവുംകൂടാതെ സമ്പാതിക്കാനും ഈ നടപ്പുകൊണ്ട്‌ ഈസിയായി സാധിച്ചു.

എന്നാലും എന്നും ഓസിനു കിട്ടുന്ന മിഢായിയും ഐസും നഷ്ടപ്പെടുത്താനും മനസ്സുവന്നില്ല.

അങ്ങിനെ കാലം കഴിഞ്ഞിരുന്നപ്പോളാണാ ദുരന്തം അരങ്ങേറിയത്‌. ഞങ്ങള്‍ എട്ടാം ക്ലാസ്സിലെ എല്ലാ കുട്ടികളുംതന്നെ ബോണ്ട ഇഷ്ടപ്പെടുന്നവരാകയാല്‍ ബോണ്ടാ പട്ടളത്തില്‍ ചേര്‍ന്നിരുന്നു (സ്കൂളില്‍ എന്‍.സി.സി. കേഡറ്റുകള്‍ക്കു റിഫ്രെഷ്‌മന്റ്‌ കൊടുത്തിരുന്നതു ബോണ്ടയായിരുന്നതിനലാണു ബോണ്ടാ പട്ടാളം എന്ന പേരുണ്ടായത്‌).

ട്രെയിനിംഗിന്റെ ഭാഗമായി വര്‍ഷത്തിലൊരിക്കല്‍ വെടിവെയ്പ്പു പരിശീലനം നടത്താനും ഈ ബോണ്ടാ പട്ടാളക്കാര്‍ക്ക്‌ അവസരം ലഭിച്ചിരുന്നു. ആവര്‍ഷത്തെ വെടിവെയ്പ്പു പരിശീലനം നടക്കുന്നതിനിടയിലാണു എന്‍.സി.സി. ഓഫീസര്‍ പി.വി. രാജപ്പന്‍സാര്‍ റോയിക്കു ഒരു കണ്ണു അടച്ചു പിടിച്ചു നോക്കാനുള്ള കഴിവു താരതമ്യേന കുറവാണെന്നു കാണ്ടുപിടിച്ചത്‌.

അവനു ഇന്ത്തരത്തിലുള്ള ഒരു എബിലിറ്റി ഇല്ലായെന്നുള്ളതു എല്ലാവര്‍ക്കും വിചിത്രമായിത്തോന്നി.

വെടിവെയ്പ്പിനു ബുള്‍സ്‌ഐയില്‍ എയിം ചെയ്യണമെങ്കില്‍ അത്യാവശ്യമായി സൈറ്റടി പഠിച്ചിരിക്കണം എന്ന യാഥാര്‍ത്യം റോയിയെ വല്ലാതെ വിഷമിപ്പിക്കുകയും അതിനായുള്ള നിരന്തര പരിശ്രമം ആരംഭിക്കുകയും ചെയ്തു.

നടപ്പിലും ഇരിപ്പിലും ഊണിലും ഉറക്കത്തിലും (ഉറക്കത്തില്‍ രണ്ടുകണ്ണും അടഞ്ഞുപോകും അവനോടു ക്ഷമിക്കുക..) റോയ്‌ തീവ്ര സൈറ്റടി പരിശീലനം ആരംഭിച്ചു.

അന്നൊരു ദിവസം പുഷ്പമ്മ ടീച്ചര്‍ കണക്കിന്റെ ക്ലാസ്സ്‌ എടുത്തു കൊണ്ടിരിക്കുന്നു...

സയിന്‍ തീറ്റ...
കോസ്‌ തീറ്റ....
ടാന്‍ തീറ്റ...

എല്ലാവരും കണക്ക്‌ തീറ്റയില്‍ മുഴുകിയിരുന്നപ്പോള്‍ റോയ്‌ മുന്‍ബെഞ്ചില്‍ ഇരുന്നു കണ്ണടച്ചു പരിശീലിക്കുകയായിരുന്നു.

ക്ലാസ്സ്‌ മുറിയുടെ വാതിലിന്റെ രണ്ടുപാളികളില്‍ ഒരെണ്ണം മാത്രമെ നിലവിലുണ്ടായിരുന്നൊള്ളു. നിലവിലുള്ള ആ ഒറ്റപ്പാളിയില്‍ ധാരാളം സുഷിരങ്ങളും ഉണ്ടായിരുന്നു.
ഒരു നല്ല വെടിക്കരനാവാനുള്ള ആഗ്രഹം ഒന്നുകൊണ്ടുമാത്രം റോയ്‌ ആ സുഷിരങ്ങളില്‍ ഒരു കണ്ണടച്ചു മാറി മാറി എയിം ചെയ്തു പരിശീലിക്കുന്നതിനിടയിലാണു എല്ലാം സംഭവിച്ചത്‌.

ക്ലാസ്സിനു പുറത്തു കൂടി പോവുകയായിരുന്ന സയിലാമണി അമ്മാള്‍- എന്ന മലയാളം ടീച്ചര്‍ ഞങ്ങളുടെ ക്ലാസ്സിലേക്കു ഇരച്ചുകയറി വരുകയും, റോയിയെ കയ്യില്‍പിടിച്ചു ബെഞ്ചില്‍നിന്നും വലിച്ചു ചാടിക്കുകയും, പുഷ്പമ്മ ടീച്ചരിന്റെ കയ്യിലിരുന്ന വടി പിടിച്ചു മേടിച്ചു അവന്റെ ചന്തിക്കിട്ടു നാലു പെരുക്കു പെരുക്കുകയും ചെയ്തു.

അപ്രതീക്ഷിതമായ ഈ മിന്നലാക്രമണത്തില്‍ പുഷ്പമ്മ ടീച്ചറടക്കം എല്ലാവരും ഞെട്ടി...

തല്ലുകൊണ്ട റോയിക്കോ അടുത്തിരുന്ന ഞങ്ങള്‍ക്കൊ പഠിപ്പിച്ചുകൊണ്ടിരുന്ന ടീച്ചറിനോ പോലും കാര്യമെന്താണെന്നു മനസ്സിലായില്ല.

ഇനി മലയാളത്തിന്റെ പദ്യം ബൈഹാര്‍ട്ട്‌ പഠിക്കാന്‍ തലേന്നു പറഞ്ഞുവിട്ടത്‌ പഠിക്കാതെ വന്നതിന്റെ ശിക്ഷ അഡ്വാന്‍സായിതന്നതാണോ എന്നു പോലും റോയ്‌ ചിന്തിച്ചിട്ടുണ്ടാകണം...

എല്ലാവരുടെയും കണ്‍ഫ്യൂഷന്‍ തീര്‍ത്തുകൊണ്ട്‌ സയിലാമണി അമ്മാള്‍ എന്ന വാദ്യാരിണി പുഷ്പ്പമ്മ ടീച്ചറിനോടായി..എന്നാല്‍ എല്ലാവരും കേള്‍ക്കാനും മാത്രം ഉറക്കെ ഇങ്ങനെ പറഞ്ഞു..

"അവനു സൈറ്റടിക്കാന്‍ മറ്റാരേം കണ്ടില്ല...അതും രണ്ടു പെറ്റ എന്നെ..."

അമ്മാള്‍ ടീച്ചര്‍ ചവിട്ടിത്തിമിര്‍ത്ത്‌ ഇറങ്ങിപ്പോയപ്പോള്‍ ഉണ്ടയൊഴിങ്ങ തോക്കുപോലെ തളര്‍ന്നിരുന്നുപോയി പാവം റോയ്‌ സി.സി.

(സയിലാമണി അമ്മാള്‍ ടീച്ചര്‍ എന്നെങ്കിലും ഈ പോസ്റ്റ്‌ വായിക്കനിടയായാല്‍...അക്ഷരത്തെറ്റിന്റെ പേരില്‍ എന്നെ പഴിക്കും എന്നെനിക്കറിയാം എന്നാലും പാവം റോയ്‌ സി.സി.യെക്കുറിച്ചുള്ള തെറ്റിദ്ധാരണ മാറിയിരുന്നെങ്കില്‍ ഞാന്‍ ധന്യനായി..... ഒപ്പം ഈ ബ്ലോഗും)

20 comments:

സുന്ദരന്‍ said...

റോയ്‌ സി.സി ഇപ്പോല്‍ ഊന്നുകല്ലില്‍നിന്നും പൈനാപ്പിള്‍ കൊണ്ടുവന്നു കോതമഗലത്തു വില്‍ക്കുന്നു....ആരുകണ്ടാലും ഈ പോസ്റ്റിന്റെ കാര്യം മിണ്ടരുതെ ...എന്നെ പൈനാപ്പിള്‍വച്ചെറിയും അതുകൊണ്ടാ

ഇതാ സുന്ദരന്റെ പുതിയ പോസ്റ്റ്‌......എല്ലാരും വായിക്കണേ

Anonymous said...

"അവനു സൈറ്റടിക്കാന്‍ മറ്റാരേം കണ്ടില്ല...അതും രണ്ടു പെറ്റ എന്നെ..."
അതു കലക്കി.

അല്ലാ.. സത്യത്തില്‍ സൈറ്റ് അടിക്കന്‍ അറിയാത്തത് സുന്ദരനോ അതോ റോയ് സി സി ക്കോ..?

Nousher

G.manu said...

Edaaaaaaaa...

this one is ur best best post

kasari..kalakki

Anonymous said...

..great shaily...

waiting for more to come.

സുല്‍ | Sul said...

സുന്ദരാ നീ സുന്ദരനല്ല. ബാക്കി പിന്നെ പറയാം.

“ക്ലാസ്സ്‌ ടീച്ചര്‍ പുഷ്പമ്മ ടീച്ചറുടെ അഭിപ്രായം ഞങ്ങളില്‍ ബെഹു ഭൂരിപക്ഷവും ഭൂമിയുടെ ആകര്‍ഷണ ശ്ക്തി ഒന്നുകൊണ്ടുമാത്രമാണു ഏഴാം ക്ലാസ്സില്‍നിന്നും എട്ടാം ക്ലാസ്സില്‍ എത്തിയത്‌ എന്നായിരുന്നു.“

എന്താ കലക്ക് ഗഡീ. എവിട്യാരുന്നു ഇത്രെം കാലം.
സ്വാഗതം ബൂലോകത്തേക്ക്.

നീ അതിസുന്ദരനാ അതിസുന്ദരന്‍.

-സുല്‍

സജിത്ത്|Sajith VK said...

പാവം റോയ്....

kaithamullu - കൈതമുള്ള് said...

ഞങ്ങടെ ക്ലാസ്സിലും ഉണ്ടായിരുന്നു ഒരു സുബ്രഹ്മണി-(ക്ലാസ്-8-ല്‍ തന്നെ) ഒത്ത ഒരു പുരുഷന്‍. ഞങ്ങളുടെയെല്ലാം ഒരുവിധ പ്രാഥമിക സംശയങ്ങളൊക്കെ തീര്‍ത്തു തന്നിരുന്നതവനാണ്. (ഇപ്പോള്‍ പട്ടാളം) അവനെ പരിഹസിക്കാന്‍ റ്റീച്ചര്‍മാര്‍ തമ്മില്‍ മത്സരമായിരുന്നെങ്കിലും ഉള്ളില്‍ അവനോടു നല്ല മമതയിലായിരുന്നുവെന്നു എനിക്കറിയാം.(അതാ അതിന്റേയൊരു ഗുട്ടന്‍സ്)

-നന്നായെഴുതി, സുന്ദരാ...

സുന്ദരന്‍ said...

പോസ്റ്റ്‌ വായിച്ചവര്‍ക്കെല്ലാം റോയി സി.സി.യുടെ പേരിലും, സൈലാമണി അമ്മാള്‍ ടീച്ചറിന്റെ പേരിലും സുന്ദരന്റെ പേരിലും 1000 നന്ദി...കമന്റിട്ടവര്‍ക്ക്‌ 1001 നന്ദി...

evuraan said...

ഹാ ഹാ -- അനുഭവങ്ങള്‍ ചിലതെല്ലാം യൂണി‌വേഴ്സല്‍ ആണല്ലേ? സനേഷ്, കഞ്ഞിപട്ടാളം വിനോദ്, എലി ബിജു എന്നിങ്ങനെ എന്റെ അതി മുതിര്‍ന്ന സതീര്‍ത്ഥ്യര്‍...

വര്‍ഷങ്ങളായി അവരുടെ കൂടെ പഠിച്ചവര്‍ക്കു കണക്കൊന്നുമില്ല. :)

ഗവണ്മെന്റ് പള്ളിക്കൂടത്തിന്റെ മാസ്മരികതയേ...! അതും മോഡല്‍ ബോയ്സ് ഹൈസ്കൂള്‍.

ഹോ.. നൊവാള്‍ജിയ തോന്നിപ്പോകുന്നു.

കുറിപ്പ്: ഈ കമന്റിട്ടതു ഞാന്‍ തന്നെയാകുന്നൂ -- എന്റെ “ജൂനിയേഴ്സോ” മറ്റു പ്രതിലോമ പ്രതിനിധികളോ അല്ല. :) നമസ്കാരം..!

ദിവ (d.s.) said...

1. കാരണം മലമുകളിലെ സ്കൂളില്‍ ഒരുതുള്ളി വെള്ളം കാണണമെങ്കില്‍ മഴപെയ്യണം അല്ലെങ്കില്‍ ആരെങ്കിലും കരയണം.

2. സൂക്ഷിച്ചു നടന്നില്ലങ്കില്‍ ചിലപ്പോള്‍ പരീക്ഷ പോലും എഴുതാതെ എട്ടാംക്ലാസ്സില്‍ വന്നു വീഴും.

3. ഒരിക്കല്‍ ഒരു കച്ചവടക്കാരന്‍ ഐസുപെട്ടിയും തലയിലേറ്റി മലകയറിനോക്കി മുകളിലെത്തിയപ്പോളേക്കും ക്ലാസ്സു കഴിഞ്ഞു കുട്ടികള്‍ വീട്ടിലെത്തിയിരുന്നു...ഏതായാലും ഇവിടെവരെ കഷ്ടപ്പെട്ടുവന്നതല്ലേ ഇനിയിതു വിറ്റിട്ടേ പോകുന്നൊള്ളു എന്നോര്‍ത്ത്‌ അയാള്‍ അന്നവിടെ ഹാള്‍ട്ടുചെയ്തു...പിറ്റേന്നു കുട്ടികള്‍ വന്നപ്പോല്‍ ഐശ്വര്യമായിട്ടു ഐസുപെട്ടി തുറന്നുനോക്കിയപ്പോള്‍ കുറെ കോലുകള്‍ മാത്രമേ കിട്ടിയൊള്ളു എന്നാണു ഐതീഹ്യം.

4. ഞങ്ങള്‍ എട്ടാം ക്ലാസ്സിലെ എല്ലാ കുട്ടികളുംതന്നെ ബോണ്ട ഇഷ്ടപ്പെടുന്നവരാകയാല്‍ ബോണ്ടാ പട്ടളത്തില്‍ ചേര്‍ന്നിരുന്നു

5. നടപ്പിലും ഇരിപ്പിലും ഊണിലും ഉറക്കത്തിലും (ഉറക്കത്തില്‍ രണ്ടുകണ്ണും അടഞ്ഞുപോകും അവനോടു ക്ഷമിക്കുക..) റോയ്‌ തീവ്ര സൈറ്റടി പരിശീലനം ആരംഭിച്ചു.

5. സയിലാമണി അമ്മാള്‍ ടീച്ചര്‍ എന്നെങ്കിലും ഈ പോസ്റ്റ്‌ വായിക്കനിടയായാല്‍...അക്ഷരത്തെറ്റിന്റെ പേരില്‍ എന്നെ പഴിക്കും എന്നെനിക്കറിയാം എന്നാലും പാവം റോയ്‌ സി.സി.യെക്കുറിച്ചുള്ള തെറ്റിദ്ധാരണ മാറിയിരുന്നെങ്കില്‍ ഞാന്‍ ധന്യനായി..... ഒപ്പം ഈ ബ്ലോഗും

--------

സുന്ദരോഓഓഓഓഓ...(എക്കോ)

ഇതു കിടിലമ്. എന്നാ കീറാ കീറീരിക്കുന്നേ എന്റമ്മോ...

കീപ്പിറ്റപ്പീ.. കീപ്പിറ്റപ്പു..

:))

ബിന്ദു said...

നന്നായി എഴുതിയിട്ടുണ്ടല്ലൊ.:)
qw_er_ty

sebi said...

super macha......

Anonymous said...

hi sundaran,
congras....great work...keep it up...
ST,ur friend from uk

Siju | സിജു said...

സുന്ദരാ...
വെടിക്ക് നല്ല ഉന്നമായിരുന്നു
ചിരിച്ചു പോയി

Anonymous said...

I found this site using [url=http://google.com]google.com[/url] And i want to thank you for your work. You have done really very good site. Great work, great site! Thank you!

Sorry for offtopic

Anonymous said...

Equal heyday, a construction group turned up to start erection a billet on the weaken wrong lot.

The [url=http://kamachu.000space.com/msu.html]528016[/url] 408913 446245 885494 [url=http://kamachu.000space.com/ksd.html]183845[/url] children relations's 5-year-old daughter as a consequence took an involvement obligation in all the

ambition on tranquil boulevard on next door and pooped much of each habits observing the workers.

Anonymous said...

Unfrequented hour, a construction pack turned up to start objective a billet on the use up lot.

The 291013 885494 569670 597093 [url=http://mios.my-board.org/odu.html]803658[/url] children people's 5-year-old daughter really took an attracted by in all the

jolly-boat general on next door and pooped much of each radiance of then observing the workers.

Anonymous said...

Solo concert hour, a construction companionship turned up to start edifice a ancestry on the waste lot.

The 431393 937279 [url=http://poa7.000space.com/usd.html]504729[/url] 8ej1c4zi [url=http://mios.my-board.org/sdu.html]824430[/url] offspring people's 5-year-old daughter normally took an attracted on in all the

rowing-boat going on next door and done in much of each former observing the workers.

Anonymous said...

[url=http://sexrolikov.net.ua/tags/%F8%EB%FE%F8%EA%E0/]шлюшка[/url] Online porno : [url=http://sexrolikov.net.ua/tags/%E4%EE%EB%E1%E8%F2%F1%FF/]долбится[/url] , это все смотри

Anonymous said...

[url=http://omegaantique.blogspot.jp/]オメガ アンティーク[/url]


Shenoa & Co Marquis Diamonds Available

With the continuing advances being made in the production of synthetic diamonds, future applications are beginning to become feasible. Garnering much excitement is the possible use of diamond as a semiconductor suitable to build microchips from, or the use of diamond as a heat sink in electronics. The boundary between gem-quality diamonds and industrial diamonds is poorly defined and partly depends on market conditions (for example, if demand for polished diamonds is high, some suitable stones will be polished into low-quality or small gemstones rather than being sold for industrial use). Within the category of industrial diamonds, there is a sub-category comprising the lowest-quality, mostly opaque stones, which are known as bort or 'boart'.